Mga Gawaing Kristiyanismo - Ano Ang Mga Gawain Ng Isang Kristiyano?

Ano ang mga gawaing Kristiyanismo? Ito ang kasagutan!

MGA GAWAING KRISTIYANISMO – Ang Kristiyanismo ang pinakamalaki na relihiyon sa buong mundo at ito ang mga gawain ng isang Kristiyano.

Ang relihiyong Kristiyanismo ay ang pinakamalaki at pinakalaganap na relihiyon sa buong mundo. Ito ay batay sa buhay at turo ni Kristo – ang tagapagligtas na ipinadala para maligtas ang sanlibutan.

Bilyon ang kasapi ng relihiyon na ito.

Pinaniniwalaan na ang tagapagtatag ng Kristiyanismo na si Hesus. Ito ay nagsimula sa Herusalem tungo sa mga lugar gaya ng Syria, Assyria, Mesopotamia, Phoenicia, Asia Minor, Jordan at Ehipto.

Ang ilan sa mga gawaing Kristiyanismo ay:

Pagbibinyag
Pangungumpisal
Pagsamba
Pagbasa ng mga salita ng Diyos sa pamamagitan ng libro na Bibliya
Pagsasabuhay at pagsunod sa mga utos ng Diyos
Hindi gumagawa ng kasalanan
Isinasaisip at isinasapuso ang mga utos
Pagsimba tuwing araw ng Linggo at pista ng pangilin
Pagdarasal araw-araw
Humihingi ng tulong at gabay sa paggawa ng kabutihan sa kapwa
Paghingi ng tawad at kapatawaran sa mga kasalanang nagawa
Pagpapasalamat sa mga biyaya
May pagmamahal at pagmamalasakit sa kapwa
Sinusunod ang sampung (10) utos ng Panginoon

Ilan sa mga turo ng relihiyong ito ay nag-iisang Diyos ang Ama ng sangkatauhan. Lahat ng tao ay mga magkakapatid at nasulat sa Bibliya na “Mahalin mo ang Diyos nang higit sa lahat.” at “Mahalin mo ang iyong kapwa katulad ng pagmamahal mo sa iyong sarili.”

Si Kristo ang tagapagligtas at mesiyas ng Hudaismo. Ang mga tao ay naniniwala sa Tatlong Persona: ang Diyos Ama, Diyos Anak at Diyos Espiritu Santo.

Ang Latin na krus ay ang simbolo opisyal ng Simbahang Katoliko.