Mga Pangangailangan Ng Tao - Ano Ang Mga Ito?

MGA PANGANGAILANGAN NG TAO – Alamin ang mga bagay na pangunahing kailangan ng tao para mabuhay ng mabuti at payapa.

Ang isang tao ay nangangailangan ng maraming bagay upang mabuhay. Ang mga pangangailangan na ito ay maaring kailangan na kailangan o mga bagay na kailangan mo lang dahil gusto mo pero hindi naman makakaapekto sa iyong pamumuhay. At sa kategorya na kailangan na kailangan mo, ito ang mga pangunahin bagay na ikamamatay mo kung wala ang mga ito.

Pangangailangan Ng Tao – Ano Ang Mga Pangunahing Pangangailangan?

Halimbawa ng mga pangangailangan ng tao at bakit nila kailangan ang mga ito.

PANGANGAILANGAN NG TAO – Magbigay ng mga halimbawa ng mga pangunahing pangangailangan ng isang tao.

Ang mga tao ay may mga pangangailangan upang mabuhay ng maayos, mahaba, masaya, at may kapayapaan. Habang umuusad at umuunlad ang buhay ng isang tao, ang kanyang mga pangangailangan ay nagbabago.

Ang mga basic needs ng isang tao ay ang mga sumusunod:

Pagkain at Kasuotan
Tahanan o Bahay
Kaalaman o Edukasyon
Hanapbuhay o Pagkakakitaan
Kaligtasan
Libangan
Kalusugan

Samantala, ayon kay Abraham Maslow, isang humanistic psychologist, ang pangangailang ng isang tao upang mabuhay ay nakasalalay isa iba’t ibang pamantayan. Sa kanyang teorya na Maslow’s Hierarchy of Needs, ang pinakatuktok ng piramide ay maaring makamit lamang kapag ang ibang mga pangangailangan ay natutugunan.

Mula sa ibaba pataas, ito ang mga kailangan:

Physiological Needs o ang mga pagkain at damit na kapag hindi nakuha ay maaring humantong sa pagkakasakit o pagkamatay
Safety Needs o ang seguridad na pagkakakitaan at hanapbuhay at kaligtasan mula sa karahasan
Love and Belonging Needs o ang pagkakaroon ng pamilya at mga kaibigan dahil kailangan ng isang tao na may kasama sa buhay sapagkat hindi niya kayang tugunan ang kanyang mga needs ng mag-isa
Esteem o ang pagkamit ng respeto sa sarili at para sa iba, pagkilala, kalakasan, at kalayaan ng isang tao
Self-actualization o ang pagpapatunay ng sa sarili ng isang tao na may kaugnayan sa kung ano ang nais niyang maging – ang kanyang kaganapan ng pagkatao

Ang mga pangangailangan ay kaiba sa mga kagustuhan ng tao. Ang mga ito ay ang mga bagay na dapat mayroon ang isang tao dahil hindi nila kaya na mabuhay kung wala sila ng mga bagay na ito.

Sa kabilang banda, ang kagustuhan ay ang mga hangarin ng isang tao o luho. Ang mga bagay na ito ay hindi gaanong mahalaga pero nakakapagbigay ng higit na kaligayan sa kanila.