30+ halimbawa ng diptonggo at mga diptonggo sa pangungusap.
DIPTONGGO HALIMBAWA – Alamin at pag-aralan ang kahulugan ng diptonggo at ito ang ilang mga salitang halimbawa nito.
Isa sa mga topiko na madaling matutunan, pag-aralan, at tandaan ay ang diptonggo o diphthong sa Ingles. Ito ay binubuo ng isang patinig (a, e, i, o, u) na sinusundan ng isang letrang malapatinig (w,y) sa loob ngt isang pantig.
Ito ang mga diptonggo:
- aw
- iw
- ay
- ey
- iy
- oy
- uy
Hindi na maituturing na may diptonggo ang isang salita kapag ang /y/ o /w/ ay napapagitan sa dalawang pantig. Tulad nga salitang “aliw”, ang “iw” sa huli ay diptonggo pero kapag ito ay naging “aliwan” na, hindi na ito maituturing na diphthong.
Walang diphthong kapag nahihiwalay ang isang patinig at isang malapatinig ang pagpapantig. Matatawag na diptonggo kapag ang isang patinig at isang malapatinig ay magkasama sa iisang pantig ng isang salita.
Mga halimbawa:
| /aw/ | /ay/ | /iw/ | /ey/ | /oy/ | /uy/ |
| alapaw alingawngaw alingasaw alimpapayaw batingaw bayaw bitaw bugaw gunaw halimaw hikaw hilaw hiyaw salindayaw langaw layaw ligaw pakyaw palayaw pangaw panglaw paningkaw | akay akbay alalay alampaypalagay palay panay panday patnubay alangay kaway kulay lakbay lagay lamay panganay pantay patay salakay salaysay tangay tangkay tsimay tsipipay tinapay tiwasay | agiw aliw aliw-iw baliw giliw inggiw liwaliw maliw paksiw saliw sisiw | isprey keyk klasmeyt Leyte weyter peyneta reyna teyp weytres duplikeyt gradweyt intimeyt iskeyt beybi beyk beynte | okoy palaboy simoy tabatsoy totoy panaghoy pantukoy amoy apoy abuloy unggoy tuloy | aruy baduy huy kasuy tsapsuy |
Ang mga salitang ito ay mga diptonggo dahil ang mga mga tunog na /aw/, /ay/, /ey/,
/iw/, /iy/, /oy/, at /uy/ ay nasa iisang pantig.
READ ALSO:
- Halimbawa Ng Klaster – 20+ Halimbawa Ng Mga Salitang Klaster
- Epekto Ng Pagputol Ng Puno (Mga Kasagutan)
What can you say about this? Let us know!
For more news and updates, follow us on Twitter:@philnews_ph Facebook:@PhilNews, and YouTube channel Philnews Ph.