Uri Ng Pangatnig – Mga Uri At Halimbawa

URI NG PANGATNIG – Ang Pangatnig ay tinatawag na conjunction sa wikang English at ito ang mga iba’t-ibang uri nito.

Ang ginagamit sa pag-uugnay ng mga pangungusap at sugnay para makabuo ng diwa ay mga pangatnig. Kilalanin ang mga uri nito at mga halimbawa ng bawat uri!

PANGATNIG – Ano Ang Mga Uri At Mga Halimbawa Nito?

PANGATNIG – Sa paksang ito, ating alamin ang mga iba’t ibang uri ng pangatnig at ang mga halimbawa ng mga uri nito.

Alamin muna natin kung ano ang pangatnig.

Kahulugan

Ito ay ang bahagi ng pananalita na nag-uugnay sa dalawang salita, sugnay, parirala, or pangungusap. Maari itong nagpapakita ng pagbubukod, pagsasalungat, o paglilinaw.

Uri

• Pamukod
  • Ang uri nito ay mayroong pamimili, pagtatangi, pag-aalinlangan at karaniwag nilalagyan ng mga katagang ni, o, at maging:
  • Halimbawa:
    • Ano ba ang mas mainam na ipakain sa mga bata para sa meryenda, tinapay o biskwit?
    • Kahit magdala man siya ng payong o hindi, mababasa pa rin siya sa lakas ng ulan.
    • Ikaw man o ako ay hindi maghahangad na siya ay mabigo.
    • Ni sermunan ni saktan ay hindi ko ginagawa sa aking anak.
• Pandagdag
  • Nagsasaad ito ng pagpupuno o pagdaragdag at ginagamitan ng mga katagang at, saka, at pati.
  • Halimbawa:
    • Kukuha muna ako ng kakainin at iinumin.
    • Wala na akong magagawa sa buhay mo pati na sa mangyayari sa iyo sa hinaharap.
    • Layunin niyang makawala ang mga sisiw sa kulungan pati na rin ang kanilang mga manok.
• Pananhi
  • Ginagamit ito upang magbigay ng dahilan, kung nangangatwiran at kung sumasagot sa tanong na bakit. Ang mga katagan nito ay sapagkat, palibhasa, pagkat, kasi.
  • Halimbawa
    • Palibhasa’y nagyayabang ka, ayan tuloy, napahiya ka.
    • Gusto kong kumain dahil gutom ako.
    • Mababa ang grado ko kasi hindi ako nakapag-aral ng maayos.
• Panubali
  • Nagpapakita ng uri nito ng pagbabakasali o pag-aalinlangan. Ang mga katagang ginagamit ay kung, di, kundi, kapag, sana at sakali.
  • Halimbawa
    • Kapag wala kayo sa pagdalo, hindi ito matutuloy.
    • Sana lahat makapagtrabaho ng maayos.
    • Mawawala ang celfon mo kapag iniiwan mo kahit saan ka pumunta.
• Panlinaw
  • Ginagamit ito upang linawin o magbigay-linaw sa isang sitwadon o paliwanag. Ang mga katagang ginagamit ay: anupa, kaya, samakatuwid, sa madaling salita at kung gayon.
  • Halimbawa:
    • Malakas ang ulan kaya sinuspende muna ang mga klase sa elementary at sekondarya.
    • Umuwi siya ng maaga kaya nabigla ang ama niya.