Ano Ang Buod At Aral Ng Alamat Ng Kamya? (Sagot)
ALAMAT NG KAMYA – Sa paksang ito, ating pag-aaralan kung ano nga ba ang mga ginto aral na puwedeng makalap mula sa “Alamat Ng Kamya”.
Ang mga alamat ay parte ng ating mga karunungang bayan. Ito ay nagbibigay kahulugan sa kung paano nag simula ang mga bagay-bagay. Bukod dito, ang mga alamat na ito ay ginawa upang magbigay ng mga mahahalagang aral.
Ang isang kamia o “Camia” ay isang bulaklak na matatagpuan sa Pilipinas. Ito ay mabango at kaakit-akit tignan. Ito ay maputi at nakalagay sa gitna ng malalaking dahon.
Sa isang nayon, may magandang dalagitang babae na nagngangalang “Miya”. Siya ay naninirahan malapit sa ilog kasama si Matandang Ingkong. Isang araw, may nakilala itong lalaking si Kam. Naging magkaibigan ang dalawang ito hanggang sa mahulog sila para sa isa’t-isa.
May balak na sanang pakasalan ni Kam si Miya. Pero, isang araw, sinabihan ni Kam si Miya na siya ay hindi ordinaryong tao kundi anak ng Diyos ng mga ilog. Sabi ni Kam na hindi raw pumayag ang kanyang ina na pakasalan ang isang karaniwang tao katulad ni Miya.
Ngunit, sinabihan nito si Miya na kahit anong manyari ay pakakasalan nito ang dalagita. Pagkatapos nun, hindi na nagpakita si Kam. Si Miya naman ay nag hintay sa ilog araw-araw para kay Kam. Subalit, hindi na ito bumalik.
Kinabukasan, nagulat si Miya ng makita niya si Kam sa tabing-ilog na nakabihis ng puting-puti. Sinabihan nito si Miya na magpapakasal raw sila ngayong araw. Magkakapit kamay sila habang naglalakad. Pero naramdaman ni miya na may naghihiwalay sa kanila.
Biglang sumulpot ang tubig sa ilog na may ipuipo. Na higop nito si Kam at hindi na naka balik. Umiyak na lamang si Miya habang hinintay ulit ang mahal nito.
Isang araw, may nakitang bulaklak na puting-puti na humahalimuyak sa bango. Sa puno nito, nakita ni Matandang Iskong ang suso, gabe, at pako na gamit dati ni Miya na binigay nito kay Kam.
Nabalitaan ng mga taga-nayon ang pag-ibig nila at simula noon, tinawag na “Kamia” ang bulaklak.
ARAL: Ang tunay na pag-ibig ay may maraming anyo. At kahit ano mang layo ng isa’t-isa, sa huli, ang tunay na pag-ibig ay hahanap ng paraan upang makasama ulit ang kanilang mahal.
BASAHIN RIN: Elemento Ng Kwentong Bayan Halimbawa At Kahulugan Nito
