Barayti ng Wika 2023 — 8 Uri at mga Halimbawa ng Bawat Isa

Aralin Tungkol sa mga Barayti ng Wika 2023 at mga Halimbawa

BARAYTI NG WIKA 2023 – Narito ang walong (8) barayti, ang kahulugan ng bawat isa, at ang mga halimbawa nila.

Maraming barayti ng wika sa Filipino. Ito ay mga grupo ng pananalita na nagiging sanhi ng pagkakaintindihan ng mga tao na may mga kanya-kanyang sariling wika. Sa ibaba, makikita ang talaan ng iba’t ibang uri ng barayti ng wika.

Mga Barayto ng Wika 2023

Idyolek

Ito ay tumutukoy sa indibidwal or sariling istilo ng pananalita na tumatak na sa nakararaming tao. Nagiging simbolo ang personal na paggamit ng wika katulad ng lamang ng mga sumusunod na salita:

“Ang buhay ay weather weather lang.” – Kim Atienza

“Hindi ka namin tatantanan.” – Mike Enriquez

Magandang Gabi, Bayan!” – Noli de Castro

Dayalek

Ito ang isa sa pinakatanyag sa mga barayti ng wika. Ito ay mga salitang gamit base sa dimensyong heograpiko o sa partikular na rehiyon o lalawigan na kanilang kinabibilangan. Narito ang mga halimbawa:

Tagalog – Bakit?
Ilocos – Bakit ngay?
Hiligaynon – Ngaa?
Bataan – Baki ah?
Pangasinan – Bakit ei?

Sosyolek

Tinatawag rin itong sosyalek. Ito ay pansamantalang barayri ng wika. Ginagamit lamang ito ng partikular na grupo at may kinalaman ito sa katayuang sosyo ekonomiko ng mga nagsasalita. Narito ang mga halimbawa:

Wa facelak girlfash mo. (Pangit ang girlfriend mo.)
Ala na akong datung. (Wala na akong pera.)
May amats na ako ‘tol. (May tama na ako kaibigan.)

Etnolek

Ito ay mula sa etnolonggwistang grupo dahil maraming pangkat etniko. Ito ay isa sa mga nagbibigay pagkakakilanlan sa bawat pangkat etniko. Narito ang mga halimbawa:

Palangga = iniirog, minamahal, sinisinta
Bulanim = naglalarawan ng hugis ng buwan
Kalipay = tuwa, saya, ligaya

Ekolek

Ito ay mga wikang kadalasang ginagamit lamang sa loob ng isang tahanan. Malimit itong ginagamit sa pakikipagtalastasan.

Pappy = Tatay
Palikuran = Banyo
Mumsy = Nanay

Pidgin

Ito ay ang barayti ng wika na walang pormal na ekstraktura. Ito ay ginagamit ng dalawang indibidwal na may kanya-kanya ring sariling wika. Narito ang mga halimbawa nito:

Suki ikaw bili akin ako bigay diskawnt.
Ako kita ganda babae.
Ikaw aral mabuti para ikaw kuha taas grado.

Creole

Ito ay ang mga pananalita na mula sa mga pinaghalo-halong salita ng indibidwal o mula sa magkaibang lugar hanggang ito ay naging pangunahing wika ng partikular na lugar.