Pang-Ugnay Halimbawa – Kahulugan At Halimbawa Ng Pang-Ugnay

PANG-UGNAY HALIMBAWA – Ang pang-ugnay ay nagagamit sa pagsisimula, pagpapadaloy, at pagtatapos ng mga salaysay.

Ang mga pang-ugnay o connectives ay  nagpapakita ng relasyon ng dalawang yunit sa isang pangungusap, mga salita, parirala, o sugnay. Mayroong tatlong uri ng pang-ugnay. Pag-aralan at alamin ang mga halimbawa!

Katanungang: Ano ang pang-ugnay? Ito ang sagot!

ANO ANG PANG-UGNAY – Pagtalakay sa ibig sabihin ng pang-ugnay, ang paggamit nito, at mga halimbawa nga pang-ugnay sa pangungusap.

Ang pang-ugnay ay isang bahagi ng pananalita na nag-uugnay ng mga salita, sugnay, o pangungusap. May tatlo itong uri – ang pangatnig, pang-angkop, at pang-ukol. Pinagdudugtong nito ang mga salita na may kaugnayan.

Ito ang tatlong uri ng pang-ugnay:

• Pangatnig
  Ito ang nag-uugnay ng salita sa kapuwa salita, parirala sa kapuwa parirala, sugnay sa kapuwa sugnay, o pangungusap sa kapuwa pangungusap. Ang pitong uri nito ay:
  
  • pamukod – gumagamit ng o, ni, maging, at man para sa pagpili, pagtatakwil, pagbubukod, o pagtatangi 
    
    Halimbawa: Si Christine ay maganda, maging sa Lanie.
    
  • panimbang – gumagamit ng at at saka para sa dalawang salita o kaisipan na magkasinghalaga
    
    Halimbawa: Ikaw at saka si Ben ay parehong mabait at magalang.
    
  • panubali – gumagamit ng kung, kapag, tila, at sana para magsabi ng pag-aalinlangan
    
    Halimbawa: Pupunta ako sa gimik kapag pupunta rin si Kuya Allan.
    
  • paninsay – gumagamit ng ngunit, subalit, at samantala para sa mga magkasalungat
    
    Halimbawa: Gusto ko siya ngunit hindi niya ako gusto.
    
  • pananhi – gumagamit ng dahil sa, sanhi ng, sapagkat, at palibhasa para mangatwiran
    
    Halimbawa: Wala siyang reaksyon palibhasa ay hindi siya ang nawalan.
    
  • panapos – gumagamit ng sa wakas at sa lahat ng ito para magpahiwatig ng pagtatapos
    
    Halimbawa: Matapos ang isang awiting, sa wakas ay makakapagpahinga na rin.
    
  • panlinaw – gumagamit ng kung gayon, samaktwid, at sa madaling salita para magpaliwanag ng bahagi o kabuuan
    
    Halimbawa: Hindi ko siya gusto kaya sa madaling salita, hindi kami magkakatuluyan.

• Pang-angkop
  Ito ang pagdudugtong ng mga salita sa pamamagitan ng paggamit ng ng, na, at -g para mas maging madulas ang pagkakasambit.
  Halimbawa: magandang dalaga; angking talento, magandang gabi, tanyag na artista, magaling na pintor

• Pang-ukol
  Ito ang mga salita na tumutukoy sa pinagmulan o patutunguhan, kinaroroonan o pinagkakaroonan, at pinangyayarihan o kinauukulan ng isang kilos. Gumagamit ng ng, sa, kay, ni, nina, kay, kina, ayon sa, ayon kay, sa harap, na may, at iba pa.
  Halimbawa: Hindi ko gustong lumabas dahil ayon sa balita, mataas na ang kaso ng COVID-19 sa Pilipinas.

READ ALSO:

• Kahalagahan Ng Wika Sa Lipunan – Bakit Mahalaga Ang Wika
• Pang-abay Na Pang-Agam Halimbawa, Ano Ang Pang-abay na Pang-agam

For more news and updates, follow us on Twitter:@philnews_ph Facebook:@PhilNews and; YouTube channel Philnews Ph.