PANG-ABAY – Ano Ang Mga Iba’t Ibang Gamit Nito?
PANG-ABAY – Sa paksang ito, ating aalamin at tuklasin ang mga iba’t ibang gamit ng pang-abay, Unahin muna nating alamin kung ano ito.
Ito ay isang bahagi ng pananalita na gaya ng pang-uri na naglalarawan ng pangngalan. Pero ang magkaiba sa kanilang dalawa ay ang pang-abay ay naglalarawan ng kapwa pang-abay, pandiwa at pang-uri.
May siyam na uri nito:
- Pamanahon – nagbibigay turing sa kilos ng pandiwa
- Pamaraan – nagsasaad kung paano isinagawa ang kilos ng pandiwa
- Panlunan – tumutukoy sa pook kung saan naganap ang kilos o pangyayari
- Pang-agam -nagsasaad ng hindi lubusang katiyakan tungkol sa isang bagay o kilos
- Panang-ayon – nagpapakita ng pagsang-ayon sa isang bagay o pangyayari.
- Pananggi – nagsasaad ng pag tutol sa kilos na ginawa, ginagawa, o gagawin pa lamang.
- Pamitagan – nagpapakita ng paggalang.
- Pampanukat – nagbibigay turing sa sukat, bigat, o timbang ng isang tao o bagay
- Panulad – nagsasaad ng pagkakatulad o paghahambing ng dalawang tao, bagay, pook, o pangyayari.
Gamit
Gaya nga sinasabi sa itaas, ito ay ginagamit bilang panglarawan ng tatlong bahagi ng salita:
- Pandiwa
- Mabilis tumakbo ang tsite.
- Umalis sina Karen at Geneva kanina pero nakabalik na rin sila.
- Ngayon lang ako bumalik mula sa Japan.
- Pang-Uri
- Talagang mabait ang mag-asawang sina Mang Ben at Aling Pilar.
- Sadyang masigla ang pananaw sa buhay ng lola niya
- Tunay ma masungit si Stanley sa kanyang mga kaklase.
- Kapwa Pang-Abay
- Tunay na mabilis umunlad ang negosyo ni Phoebe.
- Lalong sumasarap ang mga niluto ng asawa ko.
- Si Carlos ay sadyang masipag kumain.
