Halimbawa ng mga Bugtong / Riddles sa Ingles
MGA BUGTONG – Narito ang halimbawa ng mga palaisipan o kung tawagin sa Ingles ay “riddles”.
Maraming laro ang kailanman ay hindi nawawala sa pagtitipon sa kabila ng paglipas ng panahon. Bata man o matanda ay masaya sa mga larong ito na mas nakakapagpatibay ng samahan.
Isa sa mga larong ito ay ang bugtong-bugtong o kung tawagin sa Ingles ay “riddles”. Ito ay mga palaisipan na ang mananalo o makakakuha ng premyo ay ang makakahula ng palaisipan.
Sa artikulong ito, ating itatala ang ilan sa mga bugtong pwedeng gamitin sa laro, sa takdang aralin, o sa kahit ano pa man na pwedeng gamitan ng mga ito. Narito rin ang kanilang mga sagot.
1. Baboy ko sa pulo, ang balahibo’y pako.
Sagot: Langka
2. Nang munti pa ay paruparo, nang lumaki ay latigo.
Sagot: Sitaw
3. Hayan na si kaka bubuka-bukaka.
Sagot: Gunting
4. Hiyas akong mabilog, sa daliri isinusuot.
Sagot: Singsing
5. Ako’y aklat ng panahon, binabago taun-taon.
Sagot: Kalendaryo
6. Maliit na bahay, puno ng mga patay.
Sagot: Posporo
7. Ang anak ay nakaupo na, ang ina’y gumagapang pa.
Sagot: Kalabasa
8. Hindi Linggo, hindi piyesta, naglawit ang bandera.
Sagot: Dahon ng saging
9. Ate mo, ate ko, ate ng lahat ng tao.
Sagot: Atis
10. Instrumentong pangharana, hugis nito ay katawan ng dalaga.
Sagot: Gitara
11. Maliit pa si kumare, marunong ng humuni.
Sagot: Kuliglig
12. Nakakaluto’y walang init, umuusok kahit na malamig.
Sagot: Yelo
13. Lumalakad nang walang paa, maingay paglapit niya.
Sagot: Alon
14. Puno ay layu-layo, dulo’y tagpu-tagpo.
Sagot: Bahay
15. Buto’t balat lumilipad.
Sagot: Saranggola
16. Nakayuko ang reyna di nalalaglag ang korona.
Sagot: Bayabas
17. May bintana nguni’t walang bubungan, may pinto nguni’t walang hagdanan.
Sagot: Kumpisalan
18. Patung-patong na sisidlan, may takip ay walang laman.
Sagot: Kawayan
19. Bahay ko sa Pandakan, malapad ang harapan.
Sagot: Pantalan
20. Ako ay may kaibigan, kasama ko kahit saan.
Sagot: Anino
21. Buhok ng pari, hindi mahawi.
Sagot: Tubig
22. Sundalong Negro, nakatayo sa kanto.
Sagot: Poste
23. Hindi naman hari, hindi naman pare, nagsusuot ng sarisari.
Sagot: Sampayan
24. Matanda na ang nuno di pa naliligo
Sagot: Pusa
Updating…
