Tugmang De Gulong 10 Examples, Ano Ang Tugmang De Gulong?

Ito ang mga halimbawa ng mga tugmang de gulong at ang kahulugan nito.

TUGMANG DE GULONG 10 EXAMPLES – Ano ang mga tugmang de gulong, ang kahulugan nito, at mga halimbawang tugma.

Ang mga tugmang de gulong ay bahagi ng pang-araw-araw ng mga tao. Makikita ito ‘sa mga pampaseherong sasakyan kung saan ang makahulugang mensahe o pagpapaalala ay idinadaan sa komedya na may halong sarkasmo at panunudyo. Kadalasan, makikita ang mga kasabihang ito sa mga dyip na tinaguriang hari ng kalsada, bus, traysikel, at maging pedicab.

BASAHIN: Tugmang De [Gulong] – Ano Ang Tugmang De [Gulong]?

Ito ang ilan sa mga halimbawa:

“Upong nuwebe lamang nang lahat ay magkasya.”

“Wag dumi-kuwatro dahil dyip ko ay di mo kuwarto.”

“God knows Hudas not pay.”

“Barya lang po sa umaga, sa hapon pwede na.”

“Batak mo, hinto ko!”

“Bayad muna, bago baba.”

“Bayad muna, bago mag-cellphone.”

“Pull the string to stop.”

“Ang di magbayad, walang problema. Sa karma pa lamang ay bayad ka na.”

“Huwag kalimutang pumara nang makauwi sa pamilya.”

Ito pa ang mga ibang halimbawa:

“Kapag mataba, doble ang bayad.”

“Ang di magbayad mula sa kaniyang pinanggalingan ay di makararating sa paroroonan.”

“Diyos ko, ilayo mo po ako sa mga barat na tao.”

“Bayad muna, bago matulog. Hindi ito hotel.”

“Ang sitsit ay sa aso, ang katok ay sa pinto, sambitin ang ‘para’ para ang dyip ay huminto.”

“Sa mga discount sa estudyante, para ko kayong pinag-aaral lahat.”

“Estudyante lang ang may discount, hindi ang mga mukhang estudyante lang.”

“Susuklian kita nang tama, di tulad ng pag-ibig mong di niya sinuklian.”

“Sa dyip pwede mong ipagsiksikan ang sarili mo, huwag lang sa pag-ibig.”

“Basta drayber, siguradong sweet lover.”

“Ayos lang na sa jeep sumabit, basta wag lang sa asawa ng iba.”

“Bayad muna bago titigan si crush.”

“Mag-ingat sa mga mandurukot. Parang pag-ibig yan, di mo namamalayan, sinasaktan ka na pala.”

“Huwag magtulugtulugan. Mag-abot ng bayad.”

“Huwag bumukaka, dahil hindi ka naman palaka.”

“Ang maganda umupo sa kanan, ang kyut sa kaliwa, ang sexy sa harap, ang pangit ay bumaba.”