ANO ANG TULA – Kahulugan At Ang Iba’t Ibang Akdang Patula
ANO ANG TULA – Sa paksang ito, malalaman at matutuklasan natin kung ano ang tula o sa panitikan, ang patula, at ano ang mga iba’t ibang mga akda nito.
![ANO ANG TULA](http://philnews.ph/wp-content/uploads/2019/07/ANO-ANG-TULA.jpg)
Kahulugan
Kilala rin sa mundo ng panitikan bilang patula, ito ay isa sa dalawang uri ng panitikan na isang pagtutulungan ng mga salita at ritmo o rhythm. Nakabilang dito ang ritmo at metro o meter, na kung saan ang ritmo ay nagpapakita ng pagkahaba at pagkaikli na mga pattern sa pamamagitan ng nagbibigay-diin at hindi nagbibigay-diin na mga pantig; habang ang metro naman ay isang set ng mga patakaran na namamahala sa mga numero at pag-aayos ng mga pantig sa bawat linya.
May limang elemento ang patula: sukat, saknong, tugma, tono, at persona.
Mga Akdang Patula
- Tulang Pasalaysay – ang tulang pasalaysay ay tumutukoy sa mga pinapaksang mga importante at mahahalagang mga tagpo o pangyayari sa buhay, kagitingan at kabayanihan ng isang tauhan.
- Awit/Korido at Kantahin – ito naman ay tumutukoy sa mga musikang may tono na talagang magandang pinakikinggan.
- Epiko – ito ay isang akdang patula na isinalaysay ang kabayanihan at pakikipagtunggali ng isang tao o mga tao laban sa mga kaaway na kadalasang hindi mapaniwalaan dahil sa mga tagpuang makababalaghan at di-kapani-paniwala. Ito ay kadalasang inaawit pero meron namang mga epikong binabasa.
- Balad o Ballad – ito naman ay isang akdang patula na iasng uri o tema ng isang tugtugin.
- Sawikain – ito naman ay tumutukoy sa:
- idioma – isang uri ng sawikain pagpapahayag na ang kahulugan ay hindikomposisyunal.
- moto – parirala na nagpapahiwatig ng sentimiento ng isang grupong mga tao
- salawikain – mga kasabihan o kawikaan.
- Bugtong – pangungusap o tanong na may iba o nakatagong kahulugan.
- Tanaga – tumutukoy ito sa mga maikling katutubong Pilipinong tula na naglalaman ng pang-aral at payak na pilosopiyang ginagamit ng matatanda sa pagpapagunita sa mga kabataan.