Share to Facebook Share to Twitter More...

HALIMBAWA NG TANAGA – Mga Maikling Tulang Pinoy

HALIMBAWA NG TANAGA – Heto ang mga iba’t ibang mga halimbawa ng tanaga o mga maikling tula nga mga Pilipino. Uunahin muna natin ang kahulugan nito.

HALIMBAWA NG TANAGA

Kahulugan

Ang tanaga ay isang maikling tulang katutubong Pinoy na kadalasang ginagamit ang wikang Tagalog. Dahil sa kasikatan niya sa ika-20 na siglo, ito ay minsang pinaghalo sa wikang Ingles.

Halimbawa

Nahihiya ang dalaga,
Mukha’y ayaw ipakita.
Nagtatago sa balana,
Sa hipo ay umaalma.

Makahiya

Wala iyan sa pabalat
at sa puso nakatatak,
nadarama’t nalalasap
ang pag-ibig na matapat.

Pag-ibig ni Emelita Perez Baes

Mataas sa pag-upo,
Mababa ‘pag tumayo.
Kaibigan kong ginto,
Karamay at kalaro.

Aso

Alipatong lumapag
Sa lupa — nagkabitak,
Sa kahoy nalugayak,
Sa puso — naglagablab!

Tag-init ni Ildefonso Santos

Palay siyang matino,
Nang humangi’y yumuko;
Nguni’t muling tumayo
Nagkabunga ng ginto

Palay ni Ildefonso Santos

Itong dumapong langaw
Sa tuktok ng kalabaw
Ay tiyak masisilaw,
Sa sikat na tinanaw.

Mataas Pa

Maraming mga bagay,
Na sadyang lumalatay,
Isip ko’y walang malay,
Sa hiwaga ng buhay?

Paslit

Inumit na salapi
Walang makapagsabi
Kahit na piping saksi
Naitago na kasi.

Kurakot

Magsikhay ng mabuti
Sa araw man o gabi
Hindi mamumulubi
Magbubuhay na hari.

Sipag

Puso ko’y sumisigaw
May bulong na mababaw,
Hindi naman lumitaw
Tinig ko’t alingawngaw!

Pipi

Tuloy iyong orkestra

May alak at musika

Lahat ay nakapunta

Liban lamang sa masa.

Multo sa Labas ng Opera House

Ako’y may tula

Mahabang-mahaba

Ako ay uupo

Tapos na po

Isang Birong Tula

Ang anyo mo ay sipi,
Nalimot na ang lahi.
Sa dayuha’y natali,
Sarili’y inaglahi.

Isip-Kolonyal

Pag ang sanggol ay ngumiti
nawawala ang pighati,
pag kalong mo’y sumisidhi
ang pangarap na punyagi.

Sanggol ni Emelita Perez Baes

Naaayon sa kuwento,
Nilalang ay galing dito,
Walang pinto, puro kwarto,
Doble sarado-kandado.

Kawayan

BASAHIN DIN – TALATA – Ang Kahulugan, Mga Uri, At Mga Halimbawa

Share to Facebook Share to Twitter More...

comment(s) for this post "HALIMBAWA NG TANAGA – Mga Maikling Tulang Pinoy". Tell us what you think abut this post by leaving your comments below.

{ 0 comments… add one }

Leave a Comment

This site uses Akismet to reduce spam. Learn how your comment data is processed.